Ulvestad barneskule er ein privat skule som ligg vakkert til på Lauvstad i Volda kommune. I innverande år har skulen 25 elevar og vi ventar vidare elevauke til neste skuleår. Klasseromsundervisning vert kombinert med varierte undervisningsopplegg utandørs. Gjennom m.a. tverrfaglege temaveker, turdagar og prosjektarbeid får elevane lære på ulike måtar og på tvers av alder.


Ledige stillingar som lærar!

Vi har totalt ca. 140% i lærarstillingar ledig frå 01.08.25, med moglegheit for fast tilsetjing i 80-100 %. Søkjaren må ha godkjend pedagogisk utdanning i relevante undervisningsfag. Undervisningskompetanse i matematikk er ynskjeleg.

 

Vi ser etter ein engasjert, kreativ og tydeleg lærar. Du er sjølvstendig, strukturert, ansvarsmedviten og målretta, og er villig til å samarbeide og engasjere deg i skulen sitt faglege utviklingsarbeid. Interesse for, eller erfaring med uteundervisning er ein fordel.

 

Du har:

  • Gode kunnskapar i faga du skal undervise i, god klasseleiing og evne til å bygge gode relasjonar til elevane, føresette og kollegaer.
  • Evne til å trygge elevane og yte til eit trygt og godt læringsmiljø.
  • Profesjonsfagleg digital kompetanse.
  • Godt humør, trivst godt i selskap med born og er ein naturleg formidlar.

 

Vi kan tilby ei fin elevgruppe, eit godt arbeidsmiljø og dyktige kollegaer.

 

Lønsplassering og stillingskode vert fastsett ved tilsetjing. Dei som vert tilsette må legge fram gyldig politiattest.

 

Fleire opplysningar får du ved å ta kontakt med rektor Bjørn Breivik post@skulen.no , tlf. 70055233 / 90878813, eller styreleiar Hans Ivar Langvatn haivar@online.no , tlf. 91852575.


Sjå meir på nettsida her eller facebook https://www.facebook.com/barneskule for meir informasjon om skulen.



Aktuelle søkjarar vert kalla inn til intervju.

 

Søknaden sendast til post@skulen.no . CV, vitnemål, attestar og referansar leggjast ved.

Søknadsfrist: 06.03.25