Uteområdet ved skulen er rikhaldig med ballbinge, sandkasse, leikehytte, reier og ulike installasjonar. I tillegg nyttar skulen skitrekket og oppkøyrde skiløyper i umiddelbar nærleik til skulen. Og når tilhøva om vinteren tillet det, så har vi også skeissebane her. Den vert då flittig brukt både i gymtimar og friminutt.

I gangavstand frå skulen finn vi både gapahukar og den fine lavvoen vår. Vi har elles alt av det flottaste naturen kan by på kring oss. Sjø, fjøre, skog, fjell, elv og vatn. Vi nyttar oss av alt med stor glede!